1 အယ်ဘီးန ကောန်းဂန်မာရှိဟှူ လူလေဘောင်ဂီးရဲ့ ရရာတိုင်း က္လယ်ဟှူ သံမျိုး ငါကြားရဟှယ်။ သူးနို့ဟှ "ဟာလေလုယာ! ကယ်တန်ရှင်း၊ ဖောင်းသရေတော်န တဂိုးတော်လေဟှာ နို့လေရဲ့ ဘုရားသခင်န ဆိုင်ဟှယ်။ 2 ဖြားဖြစ်ကြောန့်နူးဆိုဟှာ ကိုယ်တော်ရဲ့ တရားစီရင်ရှင်းလေဟှာ ဖြောန့်မတ်မှန်ကန်ဟှယ်။ တရားဘဲဟှူမေထုန် လောက်ရှင်းလေန မ္လေးဂီးဟှို ပျစ်စီးစေဟှူ ကောန်းဘဲဟှူမီးမဟှို ကိုယ်တော်ဟှာ စီရင်ဘီး သူ့ရဲ့ လတ်မာမွဲနေဟှူ ကိုယ်တော်စေခံလေရဲ့ သွီးတွပ် ဒန်ခတ်လိုက်ဟှယ်" ဆိုဘီး ပြောဂေ့ဟှယ်။ 3 အယ်ဘီးန သူးနို့လေဟှာ "ဟာလေလုယာ! မီးခိုးဟှာ ကမ္ဘာဆစ်ဆစ် တတ်ဘီးရှိနေဟှယ်" ဆိုဘီး ပြောဂေ့ဟှယ်။