ဗျာဒိတ်တော် 7

ဣသရေလလူမျိုး ၁၄၄,၀၀၀

1 အယ်ဘီးန ကောန်းဂန်တမန် လေးပါးဟှာ မ္လေဂီးရဲ့ ဒေါ့-က်လေးဒေါ့-က်မာ ရပ်ဘီးဟှာ မ္လေဂီးထတ်ဟှိုရော၊ ပန်လယ်ထတ်ဟှိုရော၊ သစ်ပန်ရှိမျှ ထတ်ဟှိုရော၊ လေတိုက်ဘဲဟှို့တွပ် မ္လေဂီးလေးဖတ်ဟှ လေဟှို ထီးချောက်ဟှားဟှူ ဇာဟှို ငါဗြင်ရဟှယ်။ 2 နော့-က်တခါ တခြား ကောန်းဂန်တမန် တပါးဟှာ သတ်ရှင်ဟှူ ဘုရားသခင်ရဲ့ တဇိဟှို ကိုင်ဘီးဟှာ နေထွပ်လာဟှူ နေရာဟှနေဘီး တတ်လာဇာဟှို ငါဗြင်ရဟှယ်။ အယ်ဘီးန ကောန်းဂန်တမန် တပါးဟှ မ္လေဂီးန ပန်လယ်လေဟှို ဘေးရော့-က်စေဟှို့တွပ် ခွမ့်ရဟှားဟှူ ကောန်းဂန်တမန် လေပါးဟှို၊ 3 "နို့လေရဲ့ ဘုရားသခင်ဟှို စေခံဟှူ သူလေရဲ့ ဖူးမာ တဇိခတ်ဇာ မပီးမချင်း မ္လေဂီး၊ ပန်လယ်န သစ်ပန်လေဟှို ဘေးဒေါက်ခ ဖြစ်စေန" ဆိုဘီး သံက္လယ်ဂီးန အော်ပြောဟှယ်။ 4 အယ်ဘီးန တဇိခတ်ခံရဟှူ သူလေရဲ့ ရေတွပ်ဟှို ငါကြားဟှယ်။ ဣသရေလ လူမျိုးလေရဲ့ မျိုးနွယ်ထဲမာ ၁၄၄,၀၀၀ လေဟှာ တဇိခတ်ရှင်းဟှို ခံရဂေ့ဟှယ်။

5 ယုဒမျိုးနွယ်ထဲမာ ၁၂,၀၀၀၊ တဇိခတ်ခံရဘီး၊

ရုဗင်မျိုးနွယ်ထဲမာ ၁၂,၀၀၀၊

ဂဒ်မျိုးနွယ်ထဲမာ ၁၂,၀၀၀၊

6 အာရှာမျိုးနွယ်ထဲမာ ၁၂,၀၀၀၊

နဿလိမျိုးနွယ်ထဲမာ ၁၂,၀၀၀၊

မနာရှေမျိုးနွယ်ထဲမာ ၁၂,၀၀၀၊

7 ရှိမောင်မျိုးနွယ်ထဲမာ ၁၂,၀၀၀၊

လေဝိမျိုးနွယ်ထဲမာ ၁၂,၀၀၀၊

ဣသခါမျိုးနွယ်ထဲမာ ၁၂,၀၀၀၊

8 ဇာဗုလုန်မျိုးနွယ်ထဲမာ ၁၂,၀၀၀၊

ယောသပ်မျိုးနွယ်ထဲမာ ၁၂,၀၀၀၊

ဗင်္ယာမိန်မျိုးနွယ်ထဲမာ ၁၂,၀၀၀ လေဟှာ တဇိခတ်ဇာဟှို ခံရဂေ့ဟှယ်။