Mateus 1

येसु मसिहन खेपुलव

1 अन दाऊद रे अब्राहामन सन्तान येसु मसिहन खेपुलवन सुची जेङ्पा। 2 अब्राहाम इसहाकन पा ङ्याह्। इसहाक याकूबन पा ङ्याह्, याकूब यहूदा रे नुन थिक्‌कोवन पा ङ्याह्, 3 यहूदा फारेस रे जाहेरन पा ङ्याह्, ख्युन मा तामार ङ्याह्। फारेसन ङोह्जो हेस्रोन, हेस्रोन्न ङोह्जो आराम, 4 आराम अम्मीनादाबन पा, अम्मीनादाब नहसोन्न पा, नहसोन सल्मोन्न पा,✝1:4 रूथ ४:१९-२२ 5 सल्मोन बोअजन पा ङ्याह्। नुन मा राहाब ङ्याह्। बोअज ओबेदन पा ङ्याह्। नुन मा रुथ ङ्याह्। आबेद यिसैन पा, 6 यिसै दाऊद झलीन पा ङ्याह्। दाऊद सोलोमन्न पा ङ्याह्। सोलोमन्न मा उरियाहन मिसा ङ्याह्।✝1:6 २ सामू १२:२४ 7 सोलोमन रहबामन पा, रहबाम अबियान पा, अबिया आसान पा, 8 आसा यहोसापातन पा, यहोसापात यहोरामन पा, यहोराम उज्जियाहन पा, 9 उज्जियाह योतामन पा, योताम आहाजन पा, आहाज हिजकियान पा, 10 हिजकिया मनस्सेन पा, मनस्से अमोन्न पा, अमोन योसियाहन पा, 11 योसियाह यकोनियास रे नुन भाइवन पा ङ्याह्। ख्यु बेबिलोनग यहूदीकाङ्मोः बन्दी दोङदोङ वप्पो मन्नै भेला केह्पा ङ्याह्।✝1:11 यर २७:२० 12 बेबिलोनग भन्दि दोङदोङ वप्मी: यकोनियास सालतिएलन पा ङ्याह्, सालतिएल यरुबाबेलन पा, 13 यरुबाबेल अबिउदन पा, अबिउद एल्याकिमन पा, एल्याकीम आजोरन पा, 14 आजोर सादोकन पा, सादोक आखिमन पा, आखिम एलिउदन पा, 15 एलिउद एलाजारन पा, एलाजार मत्तान्न पा, मत्तान याकूबन पा ङ्याह्। 16 याकूब मनै योसेफन पा ङ्याह्, सुन मिसा मरियम ङ्याह्। अन्नै मरियमलम येसु केह्बो, सू मसिह र्‌वानान। 17 झामखेखे अब्राहामलै दाऊदथाल पुस्ता च्युल्‌लि, दाऊदलै बेबिलोनग बन्दी दोङदोङ साःनान्न भेला बेर पुस्ता च्युल्‌लि, रे बेबिलोनग बन्दी दोङदोङ साःनान्न भेलालै मसिहन भेला बेर पुस्ता च्युल्‌लि रह्पा।