20 जेङ्नै जब नुई अन ल्होई नावा खेईखेई छ्युङ्पा ङ्याह्, मङग परमप्रभुन दुत रङबो, रे नू झाःम र्वाबो, "योसेफ, दाऊदन ङोह्जो, मरियमग जेँन मिसान रुपग यिम वच्चे नङिना, तैङर्वाङिन सु नुन फौग ङ्याह्, नु पबित्र आत्मालम जेङ्पा। 21 नुई ङोह्जोदी केह्नान ङ्याह्, रे नाई नुन मिह्न येसु नाह्नाःयो, तैङर्वाङिन नुई जेँन सिमिकाङ्मोः ख्युन तीपालै बचाई खेनान ङ्याह्।" 22 भबिस्यबक्तालम परमप्रभुई र्वापान बचन पुरा राचेन भिह्तुई अन पुरू रह्पा जेङ्पा:1:22 यसै ७:१४ 23 "सेह्ना, कन्या फौरिमा राह्नान ङ्याह्, रे नुई ङोह्जोदी केह्नान ङ्याह्, रे नुन मिह्न इम्मानुएल नान्नान ङ्याह्," कन्न अर्थ जेङ्पा, "परमेस्वर ङिन ङ्याबो।"1:23 यसै ७:१४ 24 योसेफ मिवालै साप्पो, रे परमप्रभुन दुतजै र्वापालैम नुई मरियमग जेँन मिसान रुपग स्वीकार खेखे यिम वप्पो। 25 मरियमजै ङोह्जो मकेह्न बेर योसेफ नुन ङ्याबो मआःबो। योसेफजै नुन मिह्न येसु नाह्म्बो।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)