Mateus 11

बिस्वास मखेनान्न सहरव

20 कन-कन सहरग येसुई खेपान ताईलुवान धोनव लैः ङ्याह्, नुई मन सहरवग धिक्‌कार रा र्‌वामः जाःबो, कारन ख्युई घ्योप्पा मखेबो। 21 "धिक्‌कार नाः, ए खोराजीन! धिक्‌कार नाः, ए बेथसेदा! तैङर्‌वाङिन ङेन स्याह् खेपान सक्तिसाली धोनव दुङाल देप्पान तुरोस रे सीदोनग खेपा जेङ्न ख्युई लैःलै सोला छिनछिन रे माला छिनछिन घ्योप्पा खेतपा राह्‌नान ङ्याह्।✝11:21 यसै २३:१-१८; इज २६:१-२१; योए ३:४-८; आमो १:९-१०; जक ९:२-४ 22 जेङ्नै ङा ङेनकाङ्मोः र्‌वाचे, न्यायन दिनग ङेन खेरे ता तुरोस रे सीदोन्न हालत ह्‌याल्म कुतैनान राह्‌नान ङ्याह्। 23 ए कफर्नहुम, तै ना पान्नाङ थालै थीनान ङ्याह् तै? ना पातालथाल घ्या फान्नान ङ्याह्। तैङर्‌वाङिन नान स्याह् खेपान ताईलुवान धोनव सदोमग रह्पा जेङ्न अन त्यान लाह्‌न बेर लुईपा ङिम्तौ।✝11:23 यसै १४:१३-१५; उत १९:२४-२८ 24 जेङ्नै ङा ङेनकाङ्मोः र्‌वाचे, फैसलान ल्हाः नान धसा खेरे ता सदोम सहरन दसा ह्‌याल्म कुतैनान राह्‌नान ङ्याह्।"✝11:24 मत्ती १०:१५; लुक १०:१२