Mateus 13

सामान द्रिस्तान्तन अर्थ

36 मन्न छाम्म पुरू सिमिकाङ्मोः स्याह्ई ख्योवाख्योवा येसु यिमक्याँ होई। नुन चेलाव नुन स्याह् वैबो रे र्‌वाबो, "घलि छ्याचल ङी खेःन सामान द्रिस्तान्तन अर्थ र्‌वा।"

37 येसुई झब बिम्बो, "खेः र्‌यु लः पन्नान्न सिमिन ङोह्जो जेङ्पा। 38 सन्सारै खेः जेङ्पा। र्‌यु लःव राज्यन परमेस्वरनै सिमिव जेङ्पा। सामा सैतान्न सन्तानव जेङ्पा। 39 आलै र्‌यु अलःव पन्नान बैरि चन सैतान जेङ्पा। साह्ई गम्नान्न भेला चन सन्सारन अन्त्य जेङ्पा। आलै साह्ई गम्नानव स्वर्गदुतव जेङ्पा।"

40 "सामाव रूमी मन मेह्ग कोःनान ङ्याह्, सन्सारन अन्त्यगै उजुई राह्‌नान ङ्याह्। 41 मन्न लाह्ः सिमिन ङोह्जोई जेँन स्वर्गदुतकाङ्मोः फेन्नान ङ्याह् रे ख्युई नुन राज्यभरिन कानुन मङ्यान्नान रे कानुन ङ्यान फान्नानव पुरूग रूनान ङ्याह्। 42 छ्याप्पान मेह्ग पन्नान ङ्याह्। स्याह् सिमिव दाईदाई सो चपैचपै छ्युङ्नान ङ्याह्। 43 परमेस्वरन ङू धर्मी ठहरी राह्‌नानव चन जेँन पा परमेस्वरन राज्यग ङिह्‌मा लैम चम्कि राह्‌राह्‌ छ्युङ्नान ङ्याह्। सुन नाम्ज्योवा ङ्याह्, नुई ङ्यानाःयो।"