Mateus 21

येसुई खोअन तङ्पू सराप खेपा

18 नाप्चे नाह्पपर्मै यरूसलेम सहरक्याँ होल्तौ येसू गुसिह्बो। 19 लम्न नाः खोअन तङ्पु रङरङ फल ङिम कि र्‌वार्‌वा नु मन तङ्पुन रह्‌म्म होई, जेङ्नै मनग ल्हा नङ्म घङ तये मह्‌या। नुई मन तङ्पू र्‌वाबो, "तान धेरा नान स्याह् हातौयै फल नछ्याःयो। मन खोअन तङ्पु ता मन्नै भेला खार्बो।" 20 अन रङरङ चेलावजै हालाईलाई लोप्पो, "अकेः खम्म अन खोअन तङ्पु कुजुई खार्बो?" 21 येसुई झब बिम्बो, "तेम्माई ङा ङेनकाङ्मोः र्‌वाचे, ङेनजै ङाईदी यङ सङ्‌का मखेरे बिस्वास खेङिन खोअन तङ्पू ङै खेपालैम खे तैनान रे अकेः मात्र नङ्पा, ङेनजै अन धुरग ‘स्यीह्‌लै वैवै समुन्द्रग छारा’ र्‌वाङिनै उजुई राह्‌नान ङ्याह्। 22 यदि बिस्वास खेङिन सोअतापग तै तोल्नै ङेनजै मन देन्नान ङ्याह्।"