LUTA 3

Luta aobetama o makaka manka Boazi

1 Boina bɔmɔ, Naomi ahangelaki Luta bɔnɛ: «Ngana omi o ngainto, nakomba bwanya nokolondela bokianse bɔwɛ mbɔ ongoyale bɔlɔti o maina maoye. 2 Nga bweba wɛ, Boazi boiko bokopa epohe nosala mputa na bahali ba nande ba bainto tohangi iho na nde. Lendaka, na mpokwa ɛnɛ, akonyongela mambo i ɔlɔzɛ o ehokielo*3, 2 Ehokielo ele manda elondama nokapola mambo na mpoho.. 3 Yakolaka, oyahinge malasi mpe lɔtɔkɔ monkoto mɔ wɛ. Ombiha, sulwaka ɔkɔ o ehokielo. Ya toyaɛniake onka moto oiko kii okoheya nde nɔlɛ mpe nomina. 4 O elaka ekobetama nde, olendaka manda ɛkɔtwa nde, oiyaka mpiko ole nde mpe omokukolaka molangiti mpe obetamaka o makaka ma nande*3, 4 Elembetelo eiko elimbola mbɔ Luta abondela onka Boazi amobatele, lendaka mɔlɔngɔ mo 9. Ɛɔhɔ mpe noyala nko hɔlɔ miamba me ibala; etumu e lobo etepwama o lokota lo ebele ele nobutola mputani enka ngainto na mwele.. O mbiha ɛlɔkɔ angokwebia lɔhɔ wɛ nokela.» 5 Luta aomoisenyele ndembɔ: «Nakokela inkuma ionsagela wɛ.»

6 Luta ahaki mpiko o manda eliki Boazi mpe akelaki inkuma nga bomotindaki nyango e nande e bokilo. 7 Boazi alɛkɛki mpe aminaki, moloko mo nande moliki na ibulwako, o mbiha ahaki nobetama o ntundu e iboko i mambo. Na boiko, Luta aohaka bɔkɛ bɔkɛ, aokukola molangiti o makaka ma nande mpe aobeti. 8 Na iyɔngɔ i botio, Boazi atolomwaki, aoyoka mpiɔ mpe aoyanana o mbiha aoywɛnɛ ngana o ngainto abeti o makaka ma nande. 9 Boazi aomoubola bɔnɛ: «Wɛ nɔni?» Aomoisenyele bɔnɛ: «Ele mi, Luta, mohali mɔ wɛ mo ngainto. Tandaka lolemba lɔ wɛ lo etobo kii onka mi*3, 9 Tandaka lolemba lɔ wɛ lo etobo kii onka mi nimbo mbɔ: Ɔbɔtɔ nobala mohali mɔwɛ mo ngainto na itina ole mweloli*3, 9 Iyumba inka mweloli: lendaka 2.20 mpe na nkɛti..» 10 Na boiko, Boazi aomohangela ndɛmbɔ: «Ngana omi o ngainto, tika Nkolo akotwakwele! Oɛnia ipiki i wɛ o iyɔngɔ i bokundu bonka nyango ɛwɛ e bokilo penda nga bwɛniaki wɛ boho. Boiko, tokomba nolanga bilɛngɛ bi mele bi elele ɛ wɛ, babati mpe na bambɔlɔ. 11 Aiko yoko, ngana omi o ngainto, toisiake nokiɛtɛnɛ! Nangokokelela inkuma ingoubole wɛ, na itina bato bankuma baeba mbɔ ole ngainto o loumu. 12 Ele hɔlɔ mbɔ nale na lotomo onka wɛ lo mweloli, ya ele na moto ɔmɔ ompenda na mbila o bokundu bɔwɛ. 13 Betama nko anɛ; na mpendu kaki aokwelola, aokwelola, ya kaki taimenya nokwelola, na boiko, mi nangokwelola. Betama nko anɛ kii mpendu. Nakɔlɔbwela o lina inka Nkolo ele na bɔmɔi mbɔ mi nangokwelola.»

14 Luta abetamaki o makaka manka Boazi kii oumbwaki boina, ya aumwaki na ntei e mpendu nani oliki boina moilima tabayaɛnɛ bilongi. Na itina Boazi ahangaki: «Tembe bɔlɔti lwebane mbɔ ngainto ɔnɛ amboye o manda ɛnɛ.» 15 Boazi aomohangela bɔnɛ: «Ompae etobo eiko emboyahangie wɛ mpe okekate bɔlɔti.» Aokekati mpe aomotikela ba kilo i mambo i ɔlɔzɛ ntuku ipe mpe aomohunga nomobebia. O mbiha Boazi aoyoisie o inanga. 16 Na boiko, Luta aisiaki onka nyango enande e bokilo. Aomoubola bɔnɛ: «Ngana o mi o ngainto, ya mbo ilɔkɔ ioleka bolobe?»

Luta amɔhɛkwelaki inkuma imokelelaki Boazi. 17 Mpe aisiaki nohanga: «Ambompae ba kilo inɛ ntuku ipe i mambo i ɔlɔzɛ ntepela mbɔ tingokoisiela makata boponga.» 18 Naomi aotepela: «Kihaka, ngana o mi o ngainto, tolende nga bohaka lobo nohuka. Moloko monka moto oiko mokosulwa nko kaki lobo loiko lohila lɛlɔ!»