Marcos 10

येशुले म्युउ मारंनन्या बारतिमैजन आसबेलन्या

46 येशु सनर आ सिइयाङ यरीहोल रांवाङ, ओटन रुयाङल घिन्या हुल सकाए यरीहोङन रापलिइज्याऔक तिमैल ज़ा बारतिमै, तोलोअ मारङन्या बयानीन्या यमवङल बया नीज्याव। 47 जब नकाले ओ नासरतला येशु ज्या ऐरालज्यान्या आठटौ, तब जोरसै कलिऊस्यु ऐलेऊ तअसिऊ "औ येशु, दाऊदल ज़ा, ङाजन दया ढाङते।"

48 तब भ्याईले नकाजन सज्याअस्यु छपक्कै दिङन्ते रांढोव। तर नकाजन अझै जोरसं कलिकौ तअसिऊ, "औ दाऊदल ज़ा, ङाजन दया ढाङते।"

49 तब येशु ठअ अदिउ ओटन ऐआढोवाङ, "नकाजन खुल्चिते।" ओटन नकाङै ना मारङन्याजन ऐलेस्यु रांखुलौ, "गाएगुइ तालेन सोन्ते येशुले नङजन खुलज्याऔ।"

50 ओटन नकाले आमि बाहेऱ्या खाइटो क्याइस्यु ना जरू सोव ओटन येशुल ल्योङ रांऔ।

51 येशुले नकाजन ऐआढोव, "नङ नै नरोअनु, ङा न नाल्ट नै ढोङ? ना मारङन्या रुले ऐलेऊ, औ रब्बी, ङा रङौ ग्याडोटङत्या।"

52 ओटन येशुले नकाजन ऐआढोव, "न यमल बान्ते। न बिस्वासले नङजन सबेल्दुन्वा।" ओटन ओचोएटै नकाले आरङौ ओटन यमल येशुल छिनछिन बाऔ तअसिऊ।