मर्कुसं 14

6 तर येशुले नकाङजन ऐआढोवाङ, "राइचिते, जे इकाजन दानाङ हलाअ जाएज्याच्यो? ईका मेएमा ले ङाजन तीइ ठिइस्यु चान्या काम आढोव। 7 दानाङभन्या गरिबयाङ सदाई ज जे सकाए लिज्यारा, ओटन जोजन ज्वाए बेला इच्छ्या लागि नवाए बेला भलाई ढाऔ ढुदुच्या, तर ङा ता सदाई जे सकाए मालेङदी।✝14:7 ब्यबस्था १५:११ 8 ईका मेएमाले जो ढाऔ आढुदुऊ ओइज आढोव। इकाले ङाबुलजन रींनौ हादेए अत्तरले ठिइस्यु तयार आजाएङु। 9 ङा जेजन मछ्यु ऐढाच्या, सोगल जगतल जोङ-जोङ ईका चान्याथाई प्रचार ताह, नङं ईका मेएमाले जो आढोव, इकाल याद ढान्या लेसिया।"