मर्कुसं 8

बेथसेदालं येशुले मारङन्या रुजन आसबेलौ

22 नाल छिन्ट नकाङ बेथसेदा रांवाङ, ओटन रुयाङै तोलोअ मारङन्याजन येशु ल्योङ राहोनौ, ओटन नकाजन छुते ऐलेस्यु बिन्ति रांढोव। 23 तब येशुले ना मारङन्याल कुई कोलोअस्यु नङ्गरलन बाहेर आहोनौ, ओटन नकाल म्युउल ठिल्स्यु नकाल यर्त आकुई नाएस्यु नाजन आगिनौ, "नैति नङ कोबाअ नरङनु?"

24 ओटन नकाले यादेए खिमस्यु ऐलेऊ, "ङा रुयाङजन ङारङ्ङु नकाङ सिङयाङ मनताइन्या रांबाज्यान्या रङज्याङा।" 25 ओटन येशुले फरि नकाल म्युउल कुई आनाटौ, ओटन नाले चान्यासं आखिमौ, ओटन सोगलै जन्तु छरलङ्गै रङौ तअसिऊ। 26 तब येशुले नकाजन ऐढास्यु झिम आपरिङौ, ईका नङ्गर भितर ताहिनन्।