मर्कुस 14

6 होकाम येसुये हैओडोवरं, "आवलाई टाचंलैच्यो, कडाने जेसहटैज़्याव? आवये ङालाई चाव झैडे नैसोङो। 7 कडालेकं गरिबरं के एकसप्ड्या जेसंज़ टारंये, होकाम जेलाई जो बेलाकं जेमन लागि हो बेलाकंज़ जेगैडुरं। होकाम ङा के एकसप्ड्या जेसं ङाम्टा। 8 आव मेमाये जो डोडुज़्याव हो डाडेनोयो। आवये ङाक्याङ गाडिनेलो लागिटं ङाःडेज़ चाव बसैने अत्तर ठिडे तयार झैडे नैसोङो। 9 जेलाई ङा डस्साज़ हैङाडाच्योज़्या, सङसारलं जोङ-जोङ चाव सोर सठैनासी होङ-होङ आव मेमाये ओडोव येःनलो ओबात्रा आवलो ओसम्झनालो लागिटं टानेले।"