35 नम उनुपरिव बेलाकं उसिसरं राडे येसुलाई हैयाडोव, "आव मीरं मालेव पोलं नम यानुपरिडु। 36 मीरंलाई गपंरिःङरंके, आसै-होसैयाला नाङखारयालं नाडे ज़्याव लःङडे गज़्योरंकं।"
37 येसुये उसिसरंलाई "नो मीरंलाई जेज़ ज़्याव याच्योरं।" वार्डे हैओडोवरं नोराई येसुलाई हैयाडोव,
"गे नोरंलाई नेःसै पैसालो बरे लःङडे ज़्याव यानेरं डोरो?"
38 येसुये उसिसरंलाई "जेसं खागोटा बरे लिज़्या? रःङच्यो?" वार्डे हैडोवरं।
नोराई "पाँस गोटा बरे सोनो नेबऱ्याङ ङाः याज़ लिज़्या" वार्डे हैयाडोव।
39 येसुये उसिसरंलाई नो मीरंलाई पिङो छि लेव बाङलं टाना-टाना झैडे सुचुनो उपरिःङोरं। 40 नो मीरं सय-सय सोनो पचास-पचास जना झैसिडे टाना-टाना याचुङो 41 येसुये नो पाँस गोटा बरे सोनो नेबऱ्याङ ङाः छेन्डे स्वर्गडे रःङडे आसिक ओयोव, होकाम बरे ओकेःव, आव मीराई याङाः-याङाःकं नैड्याच्योरं वार्डे उसिसरंलाई ओयोवरं, नो नेबऱ्याङ ङाः पनि स्यान्टैलाई भाडे ओयोवरं। 42 स्यान्टैरं ज़्याडे यावाःङो। 43 होकाम येसुलो उसिसराई येःलो बरे सोनो ङाःलो उकुत्रारं बारं फुङ्गा याडुपो। 44 नो ज़्याव ज़्याने खेपारंया मान्त्राज़ पाँस हजार लेवरं।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)