मर्कुस 7

9 येसुये नोरंलाई हैओडोवरं, "जे जेचलनलाई मानिनेलो लागिटं खाडंङ चलाकसं परमेस्वरलो ओन्यामलाई जेराःज़्या। 10 कडालेकं मोसाये हैओवारो ले, ‘जेआमा, जेबाबुलाई मान याच्योरं, होसोनो जोये वामा, ओबाबुलाई बिरोड डाडे माचाव रोः पाङ नो मीलाई सोःयोज़ परिये।’ 11 कोइ मीये ओबाबु वामालाई जिन ङालेवङाम डैने फाइडा स्यान्टै परमेस्वरलाई चरैःसिव ची ले वार्डे हैयावार भने, 12 जे नो मीलाई ओबाबुनि वामानि कडि नेसेवाज़ डोव जेमयोये। 13 हैजैडे जे जेसाखा जेपुर्खाकाम्टा चलिडे राज़्याव चलनलाई मानिडे परमेस्वरलो ओपाङलाई फालिम जेजैज़्या। एटानाव उरु भ्या येःनरं जेडोज़्या।"