1 Duŋ gbaŋ cicɛ neshir atɔŋ nǝ kɔr kɛ tsaŋ ba, ama ubǝ zhɔk kɔr te lɛ bǝne bɔu ndi tetɛ nǝ ŋliu. gli amun anzak bwe ndi ayi amunzumen, 2 acicɛ amba ndi aneyaa, ben asun amba ndi amunva, te bɛ yi tsetser.

3 Tɔ ambakɔ shak ayi abaŋ ndi ayik iyah. 4 Ama atei ndi iwakɔ mɔ ayi ne amumun kɔ alɛla, iki yi kuti na men abɛ zǝ ankɔŋ ayou Arik ne gli aner kɔb men tena na abaŋ ndi ne ŋli ba ben atsintsim amen iki didik, te waŋa ai nyɛr Arik. 5 Iwakɔ waŋ ndi ayi kiki maa, ndi ba azɔgu nǝ kinuŋ ba, nɛ zhɔk susun amaa bǝn Arik tɛna ben Arik ibu bǝn aririk te bɛ nǝgu iki yi wɔb maa. 6 Ama ate yi ndi iwakɔ waŋ ndi awɔb men kɛ sɔŋ gɔŋmimi nɛ ku kɔ atɛ yi tsitsir. 7 Nǝk aneshir lǝlɛ yiŋɛ, aba imen yi, te kǝr nuŋ abɛ na iki yiŋ ndi kǝr abɛ nyaŋu lalɛ ba. 8 Ate yi ŋdi inuŋ ba nǝk aner amaa ikinuŋ yi li ba, didik ngoŋ kɔmaa kɛ gbahir, ne tun ta nyɛmɛ te na mimin anaŋ ne yaŋ zǝ Arik.

9 Ba kɔte wakɔ tawa ai blau azhɔk ne miŋ kɛ ambakɔ ba se ne kam ase sɔk tani, tena klɛ mgbamgbaŋ ndi ne ŋa lulum zhin, 10 fe nena zhiu ne ki didik yi na maa, ne gar kɛ gli amumun amaa, azhi ta acɛn, aŋlaa abɛ yi tsetser mgbumgbuk ye aza, te naa abɛ yik iyah ki didik tena nek tu maa ne amkpa ane na kiki iyi rɛ.

11 Atei asun ambakɔ, duŋ shur ba ne nkɔŋ kǝŋe ba. Tǝ ikpa mǝne te lu klɛ kɛ wɔb lulum ba atei nek Kristi atu amen ba, atei di aba awɔb ŋa, 12 fe atei te atu amen ambuk, te ne glak ikpa anu men yi kuti. 13 Nɛ na wɔb sɔŋ ikɛ sha iyaŋ na kinuŋ nǝ zǝn zǝ akɔkɔb; fena imimin ngɔŋɔ, tǝ vuŋ tɛr anuŋ bǝn kyak sɔŋ amkpa zhiin, te bla nkan lǝlɛ yiŋ ndi bane iyi bla ba. 14 Fe mnǝk ambakɔ ndi ari yi asun amba lɛ tǝ bɛ gar ŋa, te ŋli amumun, te gli akɔb amen tena kyak nek shetan ankɔŋ ane fir yir ba. 15 Anuŋ neka mǝne kam agɔŋ te kama zǝ ishetan.

16 Atei ndi iwa nuŋ ayi ne zǝ Arik te ambakɔ ayi ne kɔmaa, abɛ nek ba ki ndi awɔbǝ kǝr abɛ duŋ yi ihru te abɛ zǝ Kristi tetɛk ne atu mǝne ba, te duŋ abɛ zǝ Kristi abɛ ka zɔk ambakɔ abaŋ ndi ase mǝne ne te ayi sɔŋ yaŋ alulum.

17 Angɔŋgɔŋ abaŋ ndi ana ndum kɛ Arik ne ankɔŋ adidik ne te tǝ bɛ nek ba ki ntǝk yaa, didik ngɔŋ abaŋ ndi ana du lɛ kɛ Arik tena tsar. 18 Tǝ ilɛ kɛ Arik di, <<Duŋ di utei ku anu alandɔŋ nǝ mkpaŋ keŋ ndi azǝn jaŋ Arik,>> fena <<Ine na ndum ne te tǝ bɛ ta idǝk maa.>> 19 Duŋ ta iter ye aneshir netu ayi cice neshir ba se aner amɛ yaa kɔ amɛ atar ate na yik. 20 Abaŋ ndi ate lalɛ abɛ gbaŋ ba atɔŋ ne ayi aneshir, te duŋ anuŋ abɛ te sǝsǝk.

21 Nǝ ti kɛ Arik bǝn Kristi Yesɔ bǝn abɛ shar Arik M zhɔ zhin tǝ izhin bɛ gli nkan lǝlɛ yiŋɛ nǝ yaŋ nyɛr tu, tena duŋ naki kasaŋkaŋ.

22 Duŋ nama asak aneshir aŋɔk tǝ abɛ naa Arik ndum ba. Duŋ biŋ tu bǝn kiki zumimin iyi na anuŋ ba; gli kpami tsetser.

23 Duŋ so amashir ashishir ankyak ba, fena yiŋ sɔ ave amashir arǝrǝ netu ayi nnɛ mi ben sa kpami.

24 Ilalɛ ye aner anuŋ ayige ndende, ikuti la lɛme nǝ tǝ yir amkpa anǝ te ambuk; iyi anuŋ ize ba ne gɔŋ. 25 Iyi anenen, iki didik ayige ne abɛm, fena kɔ abaŋ ndi ba yik mǝne ba batei suyir ba.