Efésios 5

Sɔŋ kɛ Alulum ben Amba

22 Amba, izhin bǝ nek alulum ŋgɔŋ men ir keŋ ndi izhin nǝk Ŋgɔŋ. 23 Tǝ lulum ayi mgbyamgbyaŋ nǝ tu kǝ wa maa ir kǝŋ ndi Kristi ayi nɛ atu ayi akabankɔŋ; fɛ Kristi wa nǝ tu maa inǝ ta abǝ zǝu zhɔk, ikpa maa. 24 Neme ir keŋ ndi abǝ zǝ Kristi anegu ŋgɔŋ ma, amɛ iwa bɛ nǝk lumaa ngɔŋ maa nǝ kɔte nii ndi akabankɔŋ anǝk Kristi tu maa.

25 Alulum, izhin bǝ nyɛr amba min, ir keŋ ndi Kristi anyɛr akabankɔŋ tɛ nǝk tu maa ne kǝ. 26 Nɛ na amɛ tɛ duŋ abǝ zǝ Arik abe yi tsetser nǝ lɛ, ndi nɛ ŋla ba ne amashir, 27 te bɛ na gliu ndi a gli abe akabankɔŋ nǝ tu maa bɔbɔk nǝ re maa, tsetser tǝna yaŋ la lɛ, nǝ yaŋ ngluk, akli kai kinuŋ yi ŋab anu. 28 Neme, alulum abe nyɛr amba men ndi akpa amen. Iner waŋ ndi ate nyɛr iwa maa anyɛr tu maa. (29 Mbla zhin, ba nuŋ ndi akyak kpa maa, ama a yɔk kɛ tena kyu kɛ, ir keŋ ndi Kristi anaa abɛ akabankɔŋ, 30 te ta yi gab yi kpa maa.) 31 Ndi lɛ kɛ Arik idi,<<Neme ilulum atei duŋ tetɛɛ amaa bǝn iyaa maa te las asɔŋ iwa maa, fe iyaa mǝne atei yi kpa zhiin.>> 32 waŋa ayi ki ŋgɔŋ ndi Arik nɛ sui ayir ndi aneshir bane zhi ba ama me lɛ ne atu yi Kristi bǝn abǝ zǝu. 33 Ama nǝna yi ne atu amin: kɔte lulum tawa abe nyɛr iwa maa ndi tu maa, fe kɔte iwa tawa abe nǝk lulumɔ ngɔŋ maa.