1 Le esia megbe la, mese nane si ɖi abe ameha gã aɖee le ɣli dom le dziƒo ene be,

"Haleluya!

Ɖeɖe kple ŋutikɔkɔe kple ŋusẽ nye míaƒe Mawu la tɔ,

2 elabena eƒe ʋɔnudɔdrɔ̃wo nye nyateƒe, eye wole dzɔdzɔe.

Ebu fɔ gbolo gã la,

ame si do gu anyigba to eƒe ahasiwɔwɔwo me.

Ebia hlɔ̃ ɖe eƒe dɔlawo ƒe ʋu ta."

3 Wogado ɣli ake be,

"Haleluya!

Eƒe dzotɔtɔ ƒe dzudzɔ le tutum le dziƒo yim tso mavɔ me yi mavɔ me."