26 Tinanong ng hari si Daniel na tinatawag ding Beltesazar, "Talaga bang mahuhulaan mo ang aking panaginip at maipapaliwanag ang kahulugan nito?"

27 Sumagot si Daniel, "Mahal na Hari, wala pong sinumang marunong katulad ng mga mangkukulam, engkantador, o manghuhula ang makakapagpaliwanag ng inyong panaginip. 28 Ngunit may Diyos sa langit na naghahayag ng mga mahiwagang bagay. At inihayag niya sa Haring Nebucadnezar sa panaginip ang mangyayari sa hinaharap. Ngayon, sasabihin ko po sa inyo ang mga pangitaing nakita ninyo sa inyong panaginip.