Kapayapaan at Pag-asa
1 Samakatuwid, ngayong itinuturing na tayong matuwid dahil sa pananampalataya natin kay Kristo, mayroon na tayong kapayapaang dulot ng magandang relasyon natin sa Diyos sa pamamagitan ng ating Panginoong Hesu-Kristo. 2 Dahil sa pananampalataya natin sa kanya, tinatamasa natin ang kagandahang-loob ng Diyos at nagagalak tayo dahil sa ating pag-asang makakabahagi tayo sa kaluwalhatian ng Diyos. 3 At hindi lamang iyon, nagagalak din tayo kahit na dumaranas tayo ng mga paghihirap, dahil natututo tayong magtiis.
4 Alam natin na ang pagtitiis ay nagpapabuti sa ating pagkatao.5:4 nagpapabuti sa ating pagkatao: O nagbibigay-lugod sa Diyos. At kung mabuti ang ating pagkatao,5:4 kung mabuti ang ating pagkatao: O kung nalulugod ang Diyos sa atin. nagbubunga ito ng pag-asa. 5 At hindi tayo mabibigo sa ating pag-asa dahil ibinuhos sa atin ng Diyos ang kanyang pagmamahal sa pamamagitan ng Banal na Espiritu na ibinigay niya sa atin.