24 Nao hem i prea blong talem tangkiu long God from, mo hem i brekem bred ya, i talem se, "Hemia bodi blong mi, we bambae mi letem from yufala.*11.24: Tri narafala rod blong tanem fas haf blong tok ya blong Jisas i olsem. Faswan i talem se, Hemia bodi blong mi we bambae mi letem i blong yufala. Mo sekenwan i talem se, Hemia bodi blong mi we mi letem from yufala. Mo laswan i talem se, Hemia bodi blong mi we mi letem i blong yufala. Oltaem yufala i mas mekem samting ya blong tingbaot mi bakegen." 25 ✝11.25 a: Eks 24.8; Jer 31.31-34; b: Eks 24.6-8Mo long sem fasin, taem olgeta oli kakae finis, hem i tekem kap, nao i talem se, "Kap ya i olsem niufala promes* blong God, we blad blong mi bambae i ron blong mekem i stanap. Evritaem, taem yufala i dring long hem, yufala i mas mekem olsem blong tingbaot mi bakegen." 26 From samting ya, taem we yufala i kakae bred ya, mo yufala i dring long kap ya, be oltaem yufala i stap soemaot ded blong Masta blong yumi, gogo hem bambae i kambak bakegen.

27 Nao from samting ya, olgeta man we oli stap kakae bred* ya, mo oli stap dring long kap ya blong Masta blong yumi long fasin we i no stret, oli stap mekem i no stret long bodi blong Masta blong yumi, mo long blad blong hem. 28 Man we i wantem kakae bred ya, mo i wantem dring long kap ya, hem i mas luklukgud long laef blong hem fastaem, nao biaen i save kakae, mo i save dring.