FAS KORIN 2

12 Nao Spirit ya we yumi kasem finis, hem i no wan spirit we i kamaot long wol. Hem i Spirit blong God ya, we hem nomo i sanem i kam long yumi blong yumi save olgeta samting we hem i givim long yumi. 13 From samting ya, taem mifala i tok, mifala i no save yusum ol tok we mifala i lanem long waes blong man, nogat. Mifala i stap yusum ol tok we Tabu Spirit ya i stap tijim mifala long hem. Nao mifala i stap talemaot ol trutok blong hem long ol tok we hem i givim.*2.13: Tu narafala rod blong tanem tok long las haf blong vas ya i olsem. Faswan i talem se, Nao mifala i stap talemaot ol trutok blong hem long olgeta we hem i stap long olgeta. Mo sekenwan i talem se, Nao mifala i stap lukluk ol trutok blong hem blong save ol tru samting blong hem.

14 Be man we Tabu Spirit ya i no stap long hem, hem i no save kasem ol paoa ya we Tabu Spirit i stap givim. Hem i no gat rod blong save ol samting ya, i stap luk olgeta olsem we oli krangke samting nomo, from we Tabu Spirit nomo i save mekem man i save ol paoa ya we hem i stap givim.