2 Coríntios 11

24 ✝11.24: Dut 25.3Faef taem, ol laen blong Isrel oli wipim mi toti naen taem long wan dei. 25 ✝11.25 a: Wok 16.22; b: Wok 14.19Tri taem, ol man Rom oli wipim mi long stik. Wan taem ol man oli stonem mi long ol bigbigfala ston. Tri taem mi mi stap long sip we i rek, mo wan taem, mi mi stap swim long solwota long wan fulnaet mo wan fuldei bakegen. 26 ✝11.26 a: Wok 9.23; b: Wok 14.5Oltaem mi mi stap wokbaot blong mekem wok blong mi, mo klosap mi lusum laef blong mi long ol wota we i ron bigwan, mo long ol man blong stil, mo long ol man blong ples blong mi, mo long ol man blong ol narafala kantri tu. Klosap mi lusum laef blong mi long ol bigfala taon, mo long bus, mo long medel solwota. Mo klosap mi lusum laef blong mi long han blong olgeta we oli talem se oli fren blong mi, be oli giaman nomo. 27 Mi mi hadwok tumas, we bodi blong mi i soa from. Plante taem mi stap wok long naet we mi no slip nating. Plante taem mi hanggri, mo mi tosta, mo plante taem mi no gat kakae. Plante taem mi no gat klos, mo mi no gat ples blong stap long hem.