6 Plis,

yu no tingbaot ol narafala woman,

yu holem mi nomo mi stap long tingting blong yu.

Bambae yu no tekem narafala woman

i kam stap wanples wetem yu,

yu letem mi nomo

mi kam stap wetem yu.

Fasin ya we yumitufala i laeklaekem yumitufala,

hem i gat paoa,

man i no save blokem,

olsem we ded i gat paoa,

man i no save blokem.

Fasin ya we yumitufala i stap wantem yumitufala tumas,

hem i strong tumas blong blokem,

olsem we Hom* blong ol Dedman

i strong tumas,

man i no save ronwe long hem.

Fasin ya i stap kamaot

olsem faea we i laet bigwan,

mo i stap bon strong tumas

olsem faea we i red we i red.