5 " ‘Nao biaen, king we i stap rul long saot11.5: Plante man oli ting se plante taem, tok ya, king blong saot, hem i wan rod blong tokbaot king blong Ijip no wan long ol king we oli stap rul biaen long hem. Mo king blong not, oli ting se plante taem, hem i wan rod blong tokbaot king blong Siria, no wan long ol king we oli stap rul biaen long hem. Be sam man oli ting se i tokbaot ol narafala king. long taem ya, hem bambae i kam strong. Be wan long ol komanda blong ol soldia blong hem bambae i girap, we i strong moa i winim hem, mo bambae hem i rul long wan narafala ples we i bigwan moa, i winim ples blong hem. 6 Nao taem sam yia i pas, king we i stap rul long saot long taem ya, wetem komanda ya we i king we i stap rul long not long taem ya, bambae tufala i mekem promes, blong tufala i wok wanples. Nao king blong saot bambae i givim dota blong hem long king blong not blong i mared long hem. Be bambae promes ya i no save stap longtaem, from we bambae i no longtaem man ya wetem woman ya blong hem, mo pikinini blong tufala, mo ol man blong wok blong woman ya we oli go wetem hem, bambae ol enemi blong olgeta oli kilim olgeta evriwan i ded.
Publicidade
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)