João 6

32 Nao Jisas i talem long olgeta se, "Tru mi talem long yufala. I no Moses ya we i givim kakae ya we i kamaot long heven blong yufala i kakae, Papa blong mi ya i givim long yufala. Mo hem nao i givim prapa kakae we i kamaot long heven blong yufala i kakae, 33 from we kakae ya we hem i givim, hemia kakae we i aot long heven, i kamdaon long wol, mo i save givim laef long ol man long wol.*6.33: Narafala rod blong tanem tok ya we i stat long seken haf blong vas 32 i olsem. Wanem we Moses i givim long yufala blong yufala i kakae hem i no kakae we i kamaot long heven. Papa blong mi nao i givim prapa kakae we i kamaot long heven blong yufala i kakae, 33 from we kakae ya we hem i givim, hemia kakae we i aot long heven, i kamdaon long wol, mo i save givim laef long ol man long wol."

34 Nao olgeta oli talem long hem se, "Masta*. Plis yu givim kakae ya oltaem long mifala."

35 Nao Jisas i talem long olgeta se, "Mi nao, mi olsem kakae we i save givim laef. Man we i kam long mi, hem bambae i no save hanggri bakegen. Mo man we i bilif long mi, hem bambae i no save tosta bakegen.