Pita i talemaot we Jisas i Mesaea
13 Nao Jisas i kam kasem eria blong taon ya Sisaria Filipae, mo long taem ya hem i askem long ol man blong hem se, "?Ol man oli stap tokbaot mi, mi Pikinini* blong Man, se mi hu?"
14 16.14: Mat 14.1,2; Mak 6.14,15; Luk 9.7,8 Nao oli talem se, "Sam man oli stap talem se yu yu Jon Baptaes, mo sam oli stap talem se yu yu Profet Elaeja. Mo sam narafala man oli stap talem se yu yu Profet Jeremaea, no wan long ol profet bifo."
15 Nao hem i askem long olgeta se, "?Be yufala, yufala i stap tokbaot mi, se mi hu?"
16 16.16: Jon 6.68,69 Nao Saemon Pita i talem se, "Yu yu Mesaea* ya. Yu yu Pikinini blong God ya we i laef, i stap we i stap."
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)