15 Mo bakegen Jisas i talem se, "Yufala i mas lukaot long ol giaman profet, blong oli no kam spolem yufala. Olgeta ya oli save kam long yufala, we oli kwaet olsem sipsip nomo, be fasin blong olgeta, oli olsem wael dog stret. 16 Bambae yufala i save makem olgeta long frut blong laef blong olgeta. Man i no save go tekem frut we i swit long rabis rop we i gat nil, mo i no save tekem gudfala frut long ol rabis rop olbaot. 17 Gudfala tri, hem i save karem gudfala frut nomo, mo rabis tri, hem i save karem rabis frut nomo. 18 Be gudfala tri i no save karem rabis frut, mo rabis tri i no save karem gudfala frut. 19 7.19: Mat 3.10; Luk 3.9Tri we i no karem gudfala frut, bambae man i katemaot, i sakem i go long faea. 20 7.20: Mat 12.33From samting ya, bambae yufala i save makem ol man ya long frut blong laef blong olgeta."
Ol prapa man blong Jisas
(Luk 13.25-27)
21 Mo Jisas i gohed, i talem se, "I no olgeta man evriwan we oli stap singaot mi se ‘Masta*, Masta’ we bambae oli save go insaed long niufala wol ya we God i king long hem. Man we i stap mekem ol samting we Papa blong mi long heven i wantem, hem nomo bambae i save go insaed. 22 Long Lasdei, bambae plante man oli save singaot long mi se, ‘Masta, Masta. Long nem blong yu, mifala i talemaot ol tok we God i givim long mifala. Mo long nem blong yu, mifala i ronemaot plante devel. Mo long nem blong yu, mifala i mekem plante merikel. ?Olsem wanem long mifala?’ 23 7.23: Sam 6.8Be bambae mi mi talem stret long fes blong olgeta se, ‘Neva mi mi save yufala. Yufala i man blong mekem ol rabis fasin, yufala i gowe long mi.’ "
Tu man blong wokem haos
(Luk 6.47-49)