Romanos 16

Tok blong Pol long ol fren blong hem

1 Mi mi talemaot long yufala we sista ya blong yumi, Fibi we i stap givhan long wok blong jos long Kengkria, hem i wan gudfala woman. 2 I gud yufala i tekem hem i kam joen long yufala long nem blong Masta* blong yumi, olsem we i stret blong ol man blong God oli mekem. Sipos hem i sot long sam samting, i gud yufala i givhan long hem, from we hem i givhan gud long plante man, mo long mi tu.