16 Be Rut i talem long hem se, "Plis yu no talem long mi blong mi lego yu. Mi wantem kam wetem yu. Plis yu no blokem mi. Ples we yu bambae yu go long hem, mi tu bambae mi go long hem. Ples we yu bambae yu stap long hem, mi tu bambae mi stap long hem. Ol man ples blong yu bambae oli man ples blong mi, mo God blong yu bambae i God blong mi. 17 Ples we yu bambae yu ded long hem, mi bambae mi ded long hem, mo bambae oli berem mi tu long ples ya. Tru mi talem long yu, i no gat wan samting we bambae i save tekemaot mi long yu, ded nomo bambae i save tekemaot mi.*1.17: Narafala rod blong tanem tok long medel blong vas ya i olsem. Tru mi talem long yu, i no gat wan samting we bambae i save tekemaot mi long yu. Nating we mi mi ded, be samting ya i no save tekemaot mi. Sipos mi brekem tok ya blong mi, i gud Hae God i givim panis long mi."