1 Bwulus, Sila n Timotii.

Kwo lo da Ikilisiya Atasaloniyi nya nu, n ɓa fyi n Shekwoyi Dada ɓədo n Dagayi Yeisu Kirisitii nyi.

Shebmyashi n bwugbafui ɓa kwu kwnusnu n fyei.

2 Yi sa Shekwoyi ami lo ciici ntu əfye ɓo vnyanya, yii sa əfye aye ciici fyi n əyi aduwazhni. 3 Yi pá əfye tnutnu ɓo lo gnyi n Shekwoyi əyi Dadai abye, n fye ɓə zhni kwo dna n gaiciyaganunui nyi. Əfye tnutnu, ń yeye nu ɓə dna fye kwo zhni nyi, jesnu əfye bwugbaɓwa n awyetui dna n əyi Dagayi Yeisu Kirisiti.

4 Ntuge yi kpəlo, əyi azaje, azanugbai n anyikwozai n Shekwoyi ye fye nyi, nge wo la fye knyi, 5 ntuge əyi nabagyi manai to ɓə ɓe da fye, n ɓwasnu n aɓədagbmai nu m, ama ɓədo n kalái, ɓədo n Zafnu Gyigyiyii n bwugbaknyi loloyi. Fye kpəlo she yi ɓə gyianyì fyi n əfye atasni ntu əfye ɓo. 6 Fye ɓə kwu zè aza n ɓa shna yi, ɓədo n Dagayii, ntuge fye ɓə la ɓədatnu gwo fyi n azhnìgye yaakwo atasni n agbmadai ń Zafnu Gyigyiyi ɓə ga nyi. 7 Ntulonu əfye n fyehni, fya kwu zè aɓəmwiyi n agaiciyagayi vnyanya aba n ɓa fyi n Makidoninya n Akaiyai nyi. 8 Dagayi ɓədatnu ɓə gwoawyiya n əfye nu, toge n ɓwasnu fyi n Makidoninya n Akaiyai m; a kwu əfye gaiciyaganunui fyi n Shekwoyi kpeye n ɓwahoɓwahoi. Ntucenu yi to n ɓəhoi lo ya shna da ntu əkwo ɓo m, 9 ntuge əɓa n ɓahnii, ɓa ɓə kwu nabagyi da ntu gwogwo pya ɓo n fye ɓə gwo yi ncei nyi. Ɓa kwu da shi fye ɓə pmyiawyeya n ashna fya gwo Shekwoyi nabai fya zhni Shekwoyi hnihnii n wyewyeyidai tnutnu, 10 jesnu ntuge fya pmi əwo Nugwnu n wo gbmi n əshemi, n wo ɓə la wo kala n əfyi, Yeisu, n wo gnyi yi n minagyi napyei n kwo ɓe lo nyi.