Akwolosiyi 1

Shekwoyi Nugwnu mwamwa duduyi

15 Nugwnu nu zhni Shekwoyi dogbe ń a ta gye wo əwye nyi m. Əɓyi kpmisnuyi tu ń anya azhnizhniyi əshe vnyanya. 16 Ntuge dna n əwo nu n a ɓə zhni anya vnyanya: anya n ɓa fyi n əshemi ɓədo n anyìi, ado n a gyewye, n adoi n a ta gyewye m. Kwo abeshnikpegye, kwo akalá, kwo abegyiyi, kwo aikwo; n əwoi nu n a ɓə zhni anya vnyanya jesnu ga əwo. 17 Wo gyilo ń anya vnyanya abye, jesnu dna n əwo nu, ń anya vnyanya n wnashi n aba gbmanyi. 18 Njesnu əwo nu zhni ikilisiya tukwoda, əwo nayi; əwo nu zhni ayayaba jesnu n əɓyi kpmimai dna n afyífyiyi, nabai dna n ɓəhoɓəhoi n wo ɓa ɓwa latu duduyi.

19 Ntuge kwo ɓə dá Shekwoyi nu, wa kwu əwo nunu vnyanya fa fyi n wo, 20 jesnu dna n əwo nu, n wo ɓə zhniaɓozhi n anyai vnyanya ga əwohni, kwo anya fyi n anyì kwo anya fyi n əshemi, she wo ɓə ɓe n bwugbafui dna n əwo ami, n wo ɓə zeya tu n znudu nyi.