1 Ndima nditọ mmi, ñwet ñkpọ ami inọ ndufo mbaak ndufo idinam idiọọkñkpọ. Ado, adieke awo ndomokeed anamma idiọọkñkpọ, ñnyịn iminie akpeemem ke ufọọd ñnyịn ye Ete, Yisọs Krais a-adooho Andinen. 2 Anye ado uwa usioisob mme ndiọiñkpọ ñnyịn, ndin idooho ake ñnyịn ikpọọñ, ado ake afịd awo ke ederimbod.

3 Ñnyịn idiidiọọñọ ke imidiọọñọ Krais adieke ñnyịn inịmme mme mbed amọ. 4 Awo akeedodo a-abooho, "Ami mmediọọñọ anye," ado inamma item se anye abo enam, ado asʌhọ nsu; ndin akpanikọ isịneke anye ke idem. 5 Ado adieke awo anịmme ikọ amọ ke akpanikọ, ima Abasi afọn ama ke idem amọ. Ndin ami ado usʌñ a-ñnyịn idiọọñọke ke iminie nsọọñọnda ye anye. 6 Awo akeedodo a-adʌññọ ke anye ana adu uwem ukem-ukem nana Yisọs akedu.

7 Mme ndima ufan, idooho ufa mbed ke ñwet inọọ ndufo, ado kpa akaan mbed a-ndufo emaediọdiọọñọ tọọñọ ke editọọñọ. 8 Kpayeado, ufa mbed ke ñwet inọọ ndufo; akpanikọ amọ ayaara ke uwem amọ ye ke uwem ndufo, sia ini ekịm asʌk aboiyo ndin ataa unwana a-ayayamma.

9 Awo akeedodo a-abooho ke idʌñ ke unwana ado anye asua ayịneka* amọ ke Krais asʌk adʌñ ke ekịm. 10 Awo a-amaaha ayịneka* amọ ke Krais, adʌñ ke unwana, ndin ibaaha ñkpọ ke idem amọ a-adiinam nọ anye atuak ukod. 11 Ado awo a-asuaha ayịneka amọ ke Krais aba ke ekịm, anyʌñ asaña ke ekịm, idiọọñọke nte adutịn aka, sia ekịm a-afʌk anye anyen.

12 Ñwet ami inọ ndufo ndima nditọ mmi,

sia e-efeen mme idiọọkñkpọ ndufo ato ke anyịñ amọ.

13 Ñwet inọ ndufo mme ete,

sia ndufo emediọọñọ anye a-akebaaha tọọñọ ke editọọñọ.

Ñwet inọ ndufo ñkparawa, sia ndufo emekan andidiọọk.

Ñwet inọ ndufo ñkparawa sia ndufo emekan andidiọọk.

14 Ñwet inọ ndufo ndima nditọ,

sia ndufo emediọọñọ Ete.

Ñwet inọ ndufo, mme ete,

sia emediọọñọ anye a-akebaaha tọọñọ ke aditọọñọ.

Ñwet inọ ndufo, mme ñkparawa,

sia asịb ndufo asʌk asọsọọñ,

ndin ikọ Abasi adʌñ ke idem ndufo,

ñko ndufo emekan andidiọọk.

15 Ikiima ederimbod ye mme ñkpọ se iba ke ederimbod. Awo akeedodo a-amaaha ederimbod, ima Ete ibaaha anye ke esịd. 16 Sia afịd ñkpọ se iba ke ederimbod, ndumek abʌkidem, ndumek anyen ye nduaak inua ke abaña se awo anie ye se anye anam, itooho Ete ado ato ederimbod. 17 Ederimbod ye afịd ndumek amọ ayaaboiyo afep, ado awo a-anamma se Abasi ama adu uwem ke nsi-nsi.

18 Ndima nditọ, utịd ini ado ami; ndin sia ndufo emekop ke andibiọọñọ Krais asʌk adi, kpa idem idahami, uwak-uwak mme andibiọọñọ Krais ewuọñọ ewọt idem. Ami anam ñnyịn idiọọñọ ke utịd ini ado ami. 19 Ammọ ekewuọñọ eto atu ñnyịn; ado ammọ idooho ake ñnyịn. Akpedo ekedo ake ñnyịn, ammọ ekpaekesọọñọ eda ye ñnyịn; ado adiwuọọñọ ammọ anam ñnyịn idiọọñọ ke ndomokeed ke atu ammọ ikidooho ake ñnyịn.

20 Ado ndufo emaebọ uyedadan eto Andido Adisana, ñko afịd ndufo emediọọñọ akpanikọ. 21 Ñwette sia ndufo miidiọọñọke akpanikọ, sia emediọọñọ, emenyʌñ ediọọñọ ke nsu ndomokeed iwuọhọ ito akpanikọ. 22 Anie ido asʌhọ nsu? Awo a-abooho ke Yisọs idooho Krais. Utọ awo ado ado andibiọọñọ Krais, anye ado andikañ Ete ye Ayịn. 23 Awo a-akañña Ayịn, asịn Ete; awo a-anyịmmeke Ayịn anyʌñ anyịmme Ete.

24 Amaado ndufo, yak se ndufo ekekop tọọñọ ke editọọñọ asọñ isịne ndufo ke idem. Se ekekop tọọñọ ke editọọñọ akpesọñ asịne ke idem ndufo, ndufo eyaekaiso e-edʌñ ke Ayịn ye ke Ete. 25 Ami ado se anye akenwọñọ inọọ ñnyịn, kpa nsi-nsi uwem.

26 Ñwet ami mbaña mbon e-eyemme ediben ndufo ntịn usʌñ. 27 Amaado ndufo, idiọọñọ ke uyedadan a-ndufo ekebọọhọ mmọdo asʌk aba ye ndufo, ufọn ibaaha awo ndomokeed adikpeep ndufo ñkpọ aba. Ado naña uyedadan amọ ikpeep ndufo afịd ñkpọ, ndin sia uyedadan ado adooho akpanikọ, kpa naña anye akikpeep ndufo, isọñ iba ke anye.

28 Ndima nditọ, ikaiso idʌñ ke anye, nọ ato do ke ini anye adiiyara idem amọ, ñnyịn idiikan ida uko-uko ke iso amọ, inyʌññọ ikop abuud ke ini adidi amọ.

29 Adieke ndufo ediọọñọke ke anye ado adinen, emediọọñọ ndin ebo ke anye ado Andibon afịd awo e-enamma se inen.