1 Ami ñkpisọñ Yọọn,

Nnọ ñwed ami esọk asaña-asaña awonwaan a-Abasi amekke ye nditọ amọ a-ami nnekkeke mma ke ntak ammọ ediọọñọke akpanikọ. Idooho ami ikpọọñ mma ammọ ado afịd awo e-ediọọñọke akpanikọ, 2 ke ntak akpanikọ, a-adʌññọ ke ñnyịn, a-adiinyʌñ iba ye ñnyịn ke nsi-nsi. 3 Mfọn, mbọm ye emem a-atooho Abasi Ete ye ke Yisọs Krais, Ayịn Abasi, ayaaba ye ñnyịn ke akpanikọ ye ima.

4 Mmekop inemesịd eti-eti adikịt usʌk nditọ mfo naña esaña ke akpanikọ ukem-ukem naña Ete akinọọ ñnyịn ewʌhọ. 5 Ndin idahami, adima awonwaan, ami ñwette ufa mbed unọ ado kpa mbed a-ñnyịn imaikinenie tọọñọ ke editọọñọ. Mbeeñe yak ñnyịn ima emọ-emọ. 6 Ima ado ado ami: yak ñnyịn isaña ke ñkobitem ye ewʌhọ amọ. Ndin kpa naña ekop tọọñọ ke editọọñọ, ewʌhọ amọ ado yak ndufo esaña ke ima.

7 Ntañ ntoro sia uwak mbon abiaña, i-imiinyịmmeke ibo ke Yisọs Krais amaadi ke ederimbod ke abʌkidem, ewuọñọ edọñọ ke ederimbod. Utọ awo ado ado awo abiaña ye andibiọọñọ Krais. 8 Ikpeme mbaak ididuọọk se ndufo ekekpa utom enọọ, ado nọ ebọ utịb ayọhọ-ayọhọ. 9 Awo akeedodo a-afegheke akpọñ ukpeebñkpọ Krais inieghe Abasi; awo a-akaaha iso ke ukpeebñkpọ Krais anie Ete anyʌñ anie Ayịn. 10 Adieke awo ndomokeed adiighe ibịne ndufo ado isañake ye ukpeebñkpọ ami, ikiidat anye idʌk ufọk ndufo, ikiinyʌñ idaara anye. 11 Awo ndomokeed a-adaarake anye a-akeene awana ke utom ibak amọ.

12 Ami mmenie uwak-uwak ñkpọ se ñkpewet unọọ fiin; ado ñyemme adidat ñwed ye mmọọññwed ñwet. Utu ke ado, ami mmeduak adisọp nduse fiin ñnyʌñ nnie nneme iso ye iso ye afo, nọ ato do idaara ñnyịn ayọhọ.

13 Nditọ ayịneka mfo awonwaan ke Krais, A-Abasi akemekke, e-edọñ ekọọm.