Ñwed Mbon Efisọs 3

Ebọñ Akam Enọ Mbon Efisọs

14 Ke ntak ami, mmetọọñọ edọñ ke iso Abasi, 15 a-afịd ubon ke abio Abasi ye ke ederimbod enieghe anyịñ eto. 16 Ami mbọñ akam mbo ke ntak mfọn ye ubọọñ amọ, anye inọ ndufo nsọọñọnda ye adudu a-atooho Sịbidịd amọ ke esịd ndufo, 17 nọ Krais adʌñ ke esịd ndufo ato ke mbuọdidem. Ñnyʌñ mbọñ akam ñko nte ndufo i-imaikisọọñọ ida ke ima, 18 ekan enie adudu, ediana ye afịd ndisana nditọ Abasi, nọ se ido ubom ye unyọọñ ye anyan ye ntəño ima Krais atʌm inwaña ndufo, 19 ñko nọ ediọọñọ ima a-akanna ifiọk nọ ndufo ekan eyọhọ ke udomo afịd uyọhọ Abasi.