Iyadesịd Abọọñ ye Ninife
2 Abọọñ ado afịbe ufịb ye asio usiene Abasi;
Abọọñ asisio usiene anyʌñ ayọhọ ye ifiobesịd.
Abọọñ asisio mme asua amọ usiene
anyʌñ akọọrọ ifiobesịd afʌk mbon utọk amọ.
3 Abọọñ isọppọ iyadesịd ado akpon ke adudu;
Abọọñ idiiyakka mbon edueghe isob ebọkkọ.
Usʌñ amọ asịne ke idio ye ke ayobio,
ñko ntọñanyọñ ado abu ukod amọ.
4 Anye aduat akpainyañ anyʌñ anam anye asat;
anye anam afịd mme inyañ esaat.
Basan ye Kamel e-eyeppe,
ñko nseghe Lebanọn a-ayeppe.
5 Mme ikpọabod e-enyeñ ke iso amọ
ñko ntək abod e-esuana.
Ederimbod a-anyeñ ke iso amọ,
ederimbod ye afịd se idʌñ ke esịd amọ.
6 Anie awo ikpikeme iyọ ifiobesịd amọ?
Anie ikpikeme iyọ iyadesịd amọ?
E-eduọk iyadesịd amọ nte ikañ;
mme ikpọ itiad e-ebomo ke isọ amọ.
7 Abọọñ afọn,
itie udịbe ke ini afanekọñ.
Anye akpeme mbon se ibuọt idem ye anye,
8 ado anye adiidat akwa atọ mmọọñ
aben Ninife adisịm utịd;
anye ayaabịne mme asua amọ akedọñ ke udem ekịm.