* 1 Awo ekọñ adʌk ubịne fiin, Ninife.

Ikpeme akọekọñ,

ikpeme akpọusʌñ,

ibeeñe idem,

idọñ idem ye afịd adudu ndufo!

2 Abọọñ ayaaben uyai Yekọb atịmme adi

nte uyai Isrel,

akpesʌkado mme andisobo emaesobo, ammọ esio

enyʌñ ebiat mme fain ammọ.

3 Mme atuekọñ mbon ekọñ edo ndad-ndad;

ñkpọsọñ mbon ekọñ ammọ esịne ididuod afọñ.

Ñkprañ ukwak amịneñ ke anyọñ sariọd

ke usen e-ebeeñeke ammọ idem;

eduad yunipa ammọ ayaanekke afịm.

4 Mme sariọd ewuọñọ esuana ekanna mme efaak,

eyọọrọ ekaa iso ye edem ke mme ufed abio.

Ammọ eba nte ikañ nsadañ;

esọp nte akebkeb.

5 Ninife atañ ikọ anọ mme adadusʌñ ammọ,

ado ammọ esʌk etuak ukod eduọññọ ke usʌñ.

Ammọ esọp itọk esịm ndibene ammọ;

enịm atuekọñ ukpeme ke itie.

6 E-ebeere mme inuaatob inyañ enịm inwañ

ufọk adidem anyʌñ aduọ.

7 E-enọ ewʌhọ ebo yak Ninife

awuọ, e-enyʌñ esio anye eduọọk.

Mme ifʌn ibaan amọ emịm nte ibiom,

enyʌñ emia eba ammọ.

8 Ninife aba nte ube mmọọñ

a-mmọọñ amọ adịtte ama.

Ammọ etua, "Itre! Itre!"

Ado awo ndomokeed ikannake iso.

9 Ibịme silfa ado!

Ibịme kold ado!

Ñkpọuto ado barasuene,

inie a-atooho afịd mme ñkpọuto amọ!

10 E-etem anye ukpọk, e-ebịme anye, e-etem anye ifed!

Esịd a-aduọ, edọñ a-ameem,

idem a-anyeñ, afịd iso a-aduọkkọ.

11 Mmọ ube ekpe idahami,

itie a-ammọ enọọhọ nditọ ammọ ndidia,

itie se ayaara ye uman ekpe ekekaa,

ñko nditọ ekpe, inieghe se efeghe?

12 Ekpe amaawot se ikem nditọ amọ,

anyʌñ asịn unam afiaitọñ anọ anwaan amọ,

ayọhọ itie nnaa amọ ye se anye awot,

adọñ unam a-anye awotto ke itie nnaa amọ ayọhọ.

13 "Ami ñyaanam ikọ ye afo."

Abọọñ Andikponñkan atañ,

"Ami ñyaafọp mme sariọd mfo ke edemeikañ,

ñko akañkañ ayaadia mme ñkparawa ekpe ndufo.

Ami ndiinịmme ñkpọ se afo awai ata unọ ke ederimbod.

Awo idiikoppo uyio mme isʌñutom mfo

aba ke iso isọñ."