ئەیوب 38

4 «کاتێک زەویم دامەزراند لەکوێ بوویت؟

ئەگەر تێگەیشتنت هەیە پێم بڵێ.

5 کێ پێوانەکانی دانا؟ بێگومان تۆ دەزانیت!

یان کێ گوریسی پێوانەی بەسەردا هێنا؟

6 بناغەکانی لەسەر چی چەسپاند،

یان کێ بەردی بناغەکەی دانا،

7 کاتێک ئەستێرەکانی بەرەبەیان پێکەوە هاواری خۆشییان دەکرد و

هەموو فریشتەکان*38‏:7 عیبری: کوڕانی خودا. بڕوانە پەیدابوون 6‏:2‏‏.‏ هوتافیان دەکێشا؟

8 «کێ بە دەروازەکان دەریای بەندکرد،

کاتێک بە پاڵەپەستۆ لە منداڵدان هاتە دەرەوە،

9 کە هەورم کردە بەرگی و

هەوری تاریکم کرد بە قۆنداغی،

10 کە فەرزی خۆم بەسەریدا سەپاند و

دەروازە و شمشیرەم*38‏:10 شمشیر، پارچە دارێک بووە لە جیاتی قوفڵ لە دواوەی دەرگا بە شێوەی ئاسۆیی دانراوە بۆ داخستنی دەرگا.‏ بۆ دانا،

11 فەرمووم: "هەتا ئێرە دێیت و تێناپەڕیت؛

لێرە شەپۆلەکانی لووتبەرزیت دەشکێن"؟