Provérbios 4

ജ്ഞാനം സർവോന്നതം

1 എന്റെ കുഞ്ഞുങ്ങളേ,*4:1 മൂ.ഭാ. എന്റെ മകനേ; വാ. 10, 20 കാണുക പിതാവിന്റെ നിർദേശങ്ങൾ ശ്രവിക്കുക;

അതിൽ ശ്രദ്ധനൽകി വിവേചനശക്തി കൈവരിക്കുക.

2 കാരണം ഞാൻ നിനക്കു സദുപദേശം നൽകുന്നു,

എന്റെ അഭ്യസനം നിരാകരിക്കരുത്.

3 ഞാനും എന്റെ പിതാവിനു മകനും

മാതാവിന്റെ ഏക ഓമനസന്താനവും ആയിരുന്നു.

4 എന്റെ പിതാവ് എന്നെ പഠിപ്പിച്ച് എന്നോട് ഇപ്രകാരം പറഞ്ഞു:

"എന്റെ വാക്കുകൾ നീ ഹൃദയപൂർവം സ്വീകരിക്കുക;

എന്റെ കൽപ്പനകൾ പാലിച്ചാൽ നീ ജീവിക്കും.

5 ജ്ഞാനം നേടുക, വിവേകം ആർജിക്കുക;

എന്റെ വാക്കുകൾ വിസ്മരിക്കുകയോ അവയിൽനിന്നു വ്യതിചലിക്കുകയോ അരുത്.

6 ജ്ഞാനത്തെ ഉപേക്ഷിക്കരുത്, അവൾ നിന്നെ സംരക്ഷിക്കും;

അവളെ സ്നേഹിക്കുക, അവൾ നിനക്കു കാവൽനിൽക്കും.