സദൃശവാക്യങ്ങൾ 4

23 എല്ലാറ്റിനുമുപരി നിന്റെ ഹൃദയത്തെ സംരക്ഷിക്കുക,

കാരണം അതിൽനിന്നാണ് ജീവന്റെ ഉറവ ഉത്ഭവിക്കുന്നത്.

24 വഞ്ചന നിന്റെ വായിൽനിന്ന് ഒഴിവാക്കുക;

ദുർഭാഷണത്തിൽനിന്നു നിന്റെ അധരങ്ങളെ അകറ്റിനിർത്തുക.

25 നിന്റെ ദൃഷ്ടികൾ ഋജുവായിരിക്കട്ടെ;

നിന്റെ കണ്ണുകൾ മുൻപോട്ടുതന്നെ പതിപ്പിക്കുക.

26 നിന്റെ പാദങ്ങൾക്കു പാത നിരപ്പാക്കുക*4:26 അഥവാ, ആലോചന നൽകുക

അപ്പോൾ നിന്റെ വഴികളെല്ലാം സുസ്ഥിരമായിരിക്കും.

27 നീ വലത്തോട്ടോ ഇടത്തോട്ടോ വ്യതിചലിക്കരുത്;

നിന്റെ കാലുകൾ തിന്മയിൽനിന്ന് ഒഴിഞ്ഞിരിക്കട്ടെ.