സദൃശവാക്യങ്ങൾ 5

8 നീ അവളിൽനിന്നും അകന്നിരിക്കുക,

അവളുടെ വീട്ടുവാതിലിനോടു നീ സമീപിക്കരുത്,

9 നിന്റെ ഊർജസ്വലത മറ്റുള്ളവർക്കായി നഷ്ടപ്പെടുത്താതിരിക്കുക*5:9 അഥവാ, അങ്ങനെചെയ്താൽ നിനക്ക് നിന്റെ മാന്യത നഷ്ടമാകും.

നിന്റെ കുലീനത*5:9 മൂ.ഭാ. സംവത്സരങ്ങൾ ക്രൂരരായവർക്ക് അടിയറവുവെക്കരുത്,

10 അന്യർ നിന്റെ സമ്പത്തുകൊണ്ട് ആഘോഷിക്കുകയും

നിന്റെ കഠിനാധ്വാനം അന്യഭവനത്തെ സമ്പന്നമാക്കുകയും ചെയ്യാതിരിക്കട്ടെ.

11 നിന്റെ ജീവിതാന്ത്യത്തിൽ നീ ഞരങ്ങും,

നിന്റെ മാംസവും ശരീരവും ക്ഷയിക്കുമ്പോൾത്തന്നെ.

12 അപ്പോൾ നീ പറയും, "ശിക്ഷണത്തെ ഞാൻ എത്രമാത്രം വെറുത്തു!

എന്റെ ഹൃദയം ശാസനയെ എങ്ങനെയെല്ലാം തിരസ്കരിച്ചു!

13 ഞാൻ എന്റെ ഗുരുക്കന്മാരെ അനുസരിച്ചില്ല

എന്റെ പ്രബോധകരെ ശ്രദ്ധിച്ചതുമില്ല.

14 ദൈവജനത്തിന്റെ സഭാമധ്യേ

ഞാൻ സമ്പൂർണ നാശത്തിന്റെ വക്കിൽ എത്തിയിരിക്കുന്നു."