उत्पत्ती 12

अब्रामास पाचारण

1 याहवेहने अब्रामाला सांगितले होते, "तू आपला देश, आपले लोक व आपल्या पित्याचे घर सोड आणि मी दाखवेन त्या देशात जा.

2 "मी तुला एक मोठे राष्ट्र करेन,

मी तुला आशीर्वाद देईन;

आणि तुझे नाव महान करेन

आणि तू एक आशीर्वाद असा होशील.*12:2 किंवा तुझ्याकडे आशीर्वाद म्हणून पाहिले जाईल

3 जे तुला आशीर्वाद देतील,

त्यांना मी आशीर्वाद देईन, आणि जे तुला शाप देतील,

त्यांना मी शाप देईन;

आणि तुझ्याद्वारे पृथ्वीवरील सर्व कुळे आशीर्वादित होतील."*12:3 किंवा आशीर्वाद देताना तुझ्या नावाचा उच्चार करतील