Provérbios 2

ज्ञानाचा नैतिक लाभ

1 माझ्या मुला, जर तू माझी वचने स्वीकारशील

आणि माझ्या आज्ञा तुझ्या अंतःकरणात साठवून ठेवशील,

2 सुज्ञानाच्या वाणीकडे लक्ष देशील,

तुझे मन समंजसपणाकडे लावशील—

3 मग निश्चितच, अंतर्ज्ञानाचा धावा करशील,

आणि शहाणपण आत्मसात करण्यासाठी आक्रोश करशील,

4 आणि जसा चांदीचा शोध घेतात तसा तू त्याचा शोध घेशील

आणि गुप्त खजिना शोधतात तसा त्याचा शोध घेशील,

5 तेव्हा याहवेहचे भय काय आहे हे तुला समजेल

आणि परमेश्वराविषयीचे ज्ञान तुला प्राप्त होईल.

6 कारण याहवेह सुज्ञान देतात;

त्यांच्या मुखातून ज्ञान आणि शहाणपण येते.