नीतिसूत्रे 5

8 तू तुझा मार्ग अशा स्त्रीपासून दूर ठेव,

तिच्या घराच्या दाराजवळ जाऊ नकोस,

9 असे होऊ नये की, तू तुझा मान दुसर्‍यांना द्यावा

आणि तुझी प्रतिष्ठा क्रूर मनुष्याला मिळावी,

10 तुझ्या संपत्तीवर अपरिचित लोक मेजवानी करू नये

आणि तुझ्या परिश्रमाने दुसर्‍याचे घर समृद्ध होऊ नये.

11 तुझ्या जीवन अंती, जेव्हा तुझे मांस आणि शरीर झिजून जाईल

तेव्हा तू दुःखाने विव्हळशील.

12 तू म्हणशील, "अरेरे! मी शिस्तीचा किती तिरस्कार केला!

माझ्या अंतःकरणाने सुधारणा कशी फेटाळून लावली!

13 मी माझ्या शिक्षकांचे आज्ञापालन करत नसे

किंवा मला मार्गदर्शन करणार्‍यांकडे मी कानाडोळा करीत असे.

14 आणि म्हणून लवकरच मी परमेश्वराच्या लोकांच्या सभेपुढे

गंभीर अडचणीत आलो."