उत्पत्ति 45

योसेफले आफूलाई प्रकट गर्छन्

1 तब योसेफले आफ्ना सबै कर्मचारीहरूको सामु आफैँलाई थाम्न सकेनन्; अनि तिनी "सबै जना मेरो उपस्थितिबाट गइहाल!" भनेर चिच्याए। त्यसैले योसेफले आफ्ना दाजुभाइहरूकहाँ आफैँलाई प्रकट गर्दा तिनीसित अरू कोही थिएनन्। 2 अनि तिनी यति डाँको छोडेर रोए, कि इजिप्टियनहरूले पनि सुने, र फारोका परिवारले यो कुरा थाहा पाए।

3 योसेफले आफ्ना दाजुभाइहरूलाई भने, "म योसेफ हुँ! के मेरा पिता अझै जीवित हुनुहुन्छ?" तर तिनका दाजुभाइहरूले तिनलाई जवाफ दिनै सकेनन्; किनकि उनीहरू तिनको उपस्थितिमा चकित भएका थिए।