Lucas 1

59 आठौँ दिनमा तिनीहरू बालकलाई खतना गर्न आए, र तिनीहरूले बालकको नाम उसको बुबाझैँ जकरिया राख्न लागेका थिए। 60 तर बालककी आमाले भनिन्, "होइन! तर त्यसको नाम यूहन्‍ना राखिनेछ।"

61 तिनीहरूले तिनलाई भने, "यस्तो नाम भएको व्यक्ति तिम्रा नातेदारमा कोही पनि छैन।"

62 त्यसपछि तिनीहरूले त्यसका बुबाले बालकलाई के नाम दिन चाहन्छन् भनी जान्‍न उनलाई इशारा गरी सोधे। 63 उनले एउटा लेख्ने पाटी मगाएर "उसको नाम यूहन्‍ना हो" भनी लेखिदिए। यो देखेर सबै छक्‍क परे 64 तुरुन्तै तिनको मुख र जिब्रो खुल्यो, र बोली पनि फुट्यो। अनि उनी परमेश्‍वरको प्रशंसा गर्दै बोल्न थाले।