Mwanzo 14:14-16,18-20

Em outras traduções

1. ONMM Edição Palavra Aberta: Escrituras Sagradas

   14 Abramu alipopata habari kwamba jamaa yake amechukuliwa mateka, akawaita watu mia tatu na kumi na nane (318) wa nyumbani mwake waliokuwa wamefunzwa kupigana vita, wakawafuatilia hadi Dani. 15 Wakati wa usiku, Abramu aliwapanga watu wake katika vikosi, wakawashambulia na kuwashinda, wakawafukuza hadi Hoba, kaskazini mwa Dameski. 16 Abramu akarudisha mali yote, na akamrudisha Lutu jamaa yake na mali yake, pamoja na wanawake na watu wengine.

   18 Ndipo Melkizedeki mfalme wa Salemu akaleta mkate na divai. Alikuwa kuhani wa Mungu Aliye Juu Sana. 19 Naye akambariki Abramu, akisema,

   "Abarikiwe Abramu na Mungu Aliye Juu Sana,

   Muumba wa mbingu na nchi.

   20 Abarikiwe Mungu Aliye Juu Sana,

   ambaye amewaweka adui zako mkononi mwako."

   Ndipo Abramu akampa Melkizedeki sehemu ya kumi ya kila kitu.

2. SRUV Swahili Revised Union Version

   14 *Mwa 13:8;17:27;15:3;Mhu 2:7;Kum 34:1;Amu 18:29;Isa 41:2Abramu aliposikia ya kwamba nduguye amechukuliwa mateka, akawapa silaha vijana wake, waliozaliwa katika nyumba yake, watu mia tatu na kumi na wanane, akawafuata mpaka Dani. 15 Akajipanga apigane nao usiku, yeye na watumwa wake, akawapiga, akawafukuza mpaka Hoba, ulioko upande wa kushoto wa Dameski. 16 *1 Sam 30:8,18,19Naye akarudisha mali zote, akamrudisha Lutu nduguye na mali zake, na wanawake pia, na watu.

   18 *Ebr 7:1-10;Zab 110:4;Mik 6:6;Mdo 16:17;Ebr 7:10-22Na Melkizedeki mfalme wa Salemu akaleta mkate na divai, naye alikuwa kuhani wa Mungu Aliye Juu Sana. 19 Akambariki, akasema, Abramu na abarikiwe na Mungu Aliye Juu Sana, Muumba mbingu na nchi. 20 *Ebr 7:4Ahimidiwe Mungu Aliye Juu Sana, aliyewatia adui zako mikononi mwako. Abramu akampa fungu la kumi la vitu vyote.