Isaya 53:4-6,11,12

Em outras traduções

1. ONMM Edição Palavra Aberta: Escrituras Sagradas

   4 Hakika alichukua udhaifu wetu

   na akajitwika huzuni zetu;

   tulidhania kuwa ameadhibiwa na Mungu,

   naye akapigwa sana na kujeruhiwa.

   5 Lakini alijeruhiwa kwa ajili ya makosa yetu,

   alichubuliwa kwa ajili ya maovu yetu;

   adhabu iliyotuletea sisi amani ilikuwa juu yake,

   na kwa majeraha yake sisi tumepona.

   6 Sisi sote, kama kondoo, tumepotea,

   kila mmoja wetu amegeukia njia yake mwenyewe,

   naye Mwenyezi Mungu aliweka juu yake

   maovu yetu sisi sote.

   11 Baada ya maumivu ya nafsi yake,

   ataona nuru ya uzima na kuridhika;

   kwa maarifa yake, mtumishi wangu mwenye haki

   atawafanya wengi kuwa wenye haki,

   naye atayachukua maovu yao.

   12 Kwa hiyo nitamgawia sehemu miongoni mwa wakuu,

   naye atagawana nyara pamoja na wenye nguvu,

   kwa sababu aliyamimina maisha yake hadi mauti,

   naye alihesabiwa pamoja na wakosaji.

   Kwa kuwa alichukua dhambi za wengi,

   na kuwaombea wakosaji.

2. SRUV Swahili Revised Union Version

   4 *Mt 8:17;26:66;1 Pet 2:24Hakika ameyachukua masikitiko yetu,

   Amejitwika huzuni zetu;

   Lakini tulimdhania ya kuwa amepigwa,

   Amepigwa na Mungu, na kuteswa.

   5 *1 Pet 2:24Bali alijeruhiwa kwa makosa yetu,

   Alichubuliwa kwa maovu yetu;

   Adhabu ya amani yetu ilikuwa juu yake,

   Na kwa kupigwa kwake sisi tumepona.

   6 *1 Pet 2:25Sisi sote kama kondoo tumepotea;

   Kila mmoja wetu amegeukia njia yake mwenyewe;

   Na BWANA ameweka juu yake

   Maovu yetu sisi sote.

   11 *Yn 17:3;1 Yoh 2:1;Rum 5:18Ataona mazao ya taabu ya nafsi yake, na kuridhika.

   Kwa maarifa yake mtumishi wangu mwenye haki

   Atawafanya wengi kuwa wenye haki;

   Naye atayachukua maovu yao.

   12 *Flp 2:9;Kol 2:15;Mk 15:28;Lk 22:37;23:34Kwa hiyo nitamgawia sehemu pamoja na wakuu,

   Naye atagawana nyara pamoja nao walio hodari;

   Kwa sababu alimwaga nafsi yake hata kufa,

   Akahesabiwa pamoja na hao wakosao.

   Walakini alichukua dhambi za watu wengi,

   Na kuwaombea wakosaji.