Wagalatia 4:27-29

Em outras traduções

1. SRUV Swahili Revised Union Version

   27 *Isa 54:1Kwa maana imeandikwa,

   Furahi, wewe uliye tasa, usiyezaa;

   Paza sauti, ulie, wewe usiye na uchungu;

   Maana watoto wake aliyeachwa pekee ni wengi

   Kuliko wa huyo aliye na mume.

   28 Basi, ndugu zangu, kama Isaka sisi tu watoto wa ahadi. 29 *Mwa 21:9Lakini kama vile siku zile yule aliyezaliwa kwa mwili alivyomwudhi yule aliyezaliwa kwa Roho, ndivyo ilivyo na sasa.

2. ONEN Versão Contemporânea Aberta em Suaíli

   27 Kwa maana imeandikwa:

   "Furahi, ewe mwanamke tasa,

   wewe usiyezaa;

   paza sauti, na kuimba kwa furaha,

   wewe usiyepatwa na utungu wa kuzaa;

   kwa maana watoto wa mwanamke aliyeachwa ukiwa ni wengi

   kuliko wa mwanamke mwenye mume."

   28 Basi, sisi ndugu zangu, ni kama Isaki, tu watoto wa ahadi. 29 Lakini, kama vile ilivyokuwa siku zile yule aliyezaliwa kwa mwili alivyomchokoza yule aliyezaliwa kwa Roho, ndivyo ilivyo hata sasa.