Mathayo 17:9-13

Em outras traduções

1. SRUV Swahili Revised Union Version

   9 *Mt 16:20Na walipokuwa wakishuka mlimani, Yesu aliwaagiza, akasema, Msimwambie mtu yeyote habari ya maono hayo, hadi Mwana wa Adamu atakapofufuka katika wafu. 10 *Mal 4:5;Mt 11:14Wanafunzi wake wakamwuliza, wakisema, Basi kwa nini waandishi hunena ya kwamba imempasa Eliya kuja kwanza? 11 Naye akajibu, akawaambia, Kweli Eliya yuaja kwanza, naye atatengeneza yote, 12 *Mt 11:14;14:9,10ila nawaambia, ya kwamba Eliya amekwisha kuja, wasimtambue, lakini wakamtenda yote waliyotaka. Vivyo hivyo Mwana wa Adamu naye yuaenda kuteswa kwao. 13 *Lk 1:17Ndipo wale wanafunzi walipofahamu ya kuwa amesema nao habari za Yohana Mbatizaji.

2. ONEN Versão Contemporânea Aberta em Suaíli

   9 Walipokuwa wakishuka kutoka mlimani, Yesu akawaagiza, "Msimwambie mtu yeyote mambo mliyoyaona hapa, mpaka Mwana wa Adamu atakapofufuliwa kutoka kwa wafu."

   10 Wale wanafunzi wakamuuliza, "Kwa nini basi walimu wa sheria husema kwamba ni lazima Eliya aje kwanza?"

   11 Yesu akawajibu, "Ni kweli, Eliya lazima aje kwanza, naye atatengeneza mambo yote. 12 Lakini nawaambia, Eliya amekwisha kuja, nao hawakumtambua, bali walimtendea kila kitu walichotaka. Vivyo hivyo Mwana wa Adamu pia atateswa mikononi mwao." 13 Ndipo wale wanafunzi wakaelewa kuwa alikuwa anazungumza nao habari za Yohana Mbatizaji.