1 ሴና 18

ሞአኖወን ዳዊት

1 ኤርገሲ ዳዊት ፍልስጤሞተ ሞአቴ ኦፍ ጀለ እሳን ገልፈቴ፤ ጋቲፊ ገንዶተ ናኖሼ ጅረንስ ሀርከ ፍልስጤሞታቲ ባሴ።

2 ዳዊት ሞኣቦተስ ንሞአቴ፤ እሳንስ እሰ ጀለት ቡለኒ ግብረ ፍደኒፍ።

3 ከነረትስ ዳዊት ዬሮ ለገ ኤፍራጢስ ብረ ያደኖ ኦፊ ዻበቹ ዸቄት፣ ሀመ ሀማቲት ዴሜ ሀዳዴዜር ሞትቸ ዞባ ሞአቴ። 4 ዳዊትስ ጋሪወን ወራናሳ ኩመ ቶኮ፣ አቦቲ ፈርዳ ኩመ ቶርባፊ ሎልቶተ ለፎ ኩመ ድግደመ እሰራ ፉዸቴ። እንስ ፈርዴን ጋሪወኒ ዽበ ቶኮ ቆፈ ሀምብሴ ከኔን ሀፈን ሁንደ ሞጎሌ ኩኩቴ።

5 ዬሮ ወር ሶርያ ከኔን ደማስቆ ጅራተን ሀዳዴዜር ሞትቸ ዞባ ገርጋሩፍ ዹፈንትስ፣ ዳዊት እሳን ኬሳ ነመ ኩመ ድግደሚ ለመ ፍጤ። 6 ኤርገሲስ ኩታ ቡልቺንሰ ደማስቆ ከን ብየ ሶርያ ኬሰ ቁበተ ሎልቶታ ዻበቴ፤ ወር ሶርያስ እሰ ጀለት ቡለኒ ግብረ ፍደኒፍ። ዋቀዮስ ዳዊቲፍ ለፈ እን ዸቄ ሁንደት ሞእቸ ኬኔ።

7 ዳዊትስ ጋቸነ ወርቄ ከን አጀጆትን ሎልቶተ ሀዳዴዜር ሀርከት ቀበተን ፉዸቴ ገረ ዬሩሳሌም ፍዴ። 8 ዳዊት መጋላወን ሀዳዴዜር ጄቹንስ ጥብሃቲፊ ኩን ናሲ አከ መሌ ባይኤ ፉዸቴ፤ ሶሎሞንሞ ጋኒ ናሲ፣ ኡቱባወኒፊ ምኦተ ናሲ ገራ ገራ ናሲ ሰነራ ሆጄቴ።

9 ቶኡን ሞቲን ሀማት ዮሙ አከ ዳዊት ጉቱማ ሎልቶተ ሀዳዴዜር ሞትቸ ዞባ ሞአቴ ዸገኤት፣ 10 አከ እን ሰበቢ ኦል ኣንቱማ ዳዊት ሞትች ወራነ ኬሰት ሀዳዴዜርረት አርገቴቲፍ ሀርከ እሰ ፉዼ ዻምሰ ገመቹ እሳፍ ደበርሱፍ እልመ ኦፊ ሀዶራምን ገረሳት ኤርጌ፤ ሀዳዴዜር ቶኡ ወጅን ወል ወራና ቱሬቲ። አዶራምስ ኬና ጎሰ ሁንዳ ወርቄራ፣ ሜቲፊ ናሲራ ሆጄተመን ፍዴፍ።

11 ዳዊት ሞትችስ አኩመ ሜቲፊ ወርቄ ሰቦተ ኤዶም፣ ሞኣብ፣ አሞኖተ፣ ፍልስጤሞታፊ አማሌቅ ሁንደራ ቦጅኤ ቱሬ ጎዼ ሰነ ምኦተ ከኔንሌ ዋቀዮፍ አዳን ባሴ።

12 አቢሻይ እልም ዜሩያ ሱሉለ ሶግዳ ኬሰት ኤዶሞተ ኩመ ኩዸ ሰዴት ፍጤ። 13 እንስ ኤዶም ኬሰ ቁበተ ሎልቶታ ዻበቴ፤ ኤዶሞን ሁንድኑስ ዳዊቲፍ ንገርቦመን። ዋቀዮስ ለፈ እን ዸቄ ሁንደት ዳዊቲፍ ሞአትና ንኬኔ።

ቆንዳልቶተ ዳዊት

14 ዳዊት ጉቱማ እስራኤልረት ሞቲ ተኤ ሰበሳ ሁንዳፍ ሙርቲ ቀጄላፊ ቀጄሉማዻን ሆጄቴ።

15 ዮኣብ እልም ዜሩያ ሆገና ሎልቶታ ቱሬ፤

ዬሆሻፋጥ እልም አሂሉድሞ ገልሜሳ ቱሬ፤

16 ዛዶቅ እልም አሂጡቢፊ አቢሜሌክ እልም አብያታር ሉቦተ ቱረን፤

ሻፍሳንሞ በሬሳ ቱሬ፤

17 ቤናያ እልም ዬሆያዳ ሆገና ኬሬቶታፊ ጴሌቶታ ቱሬ፤

እልማን ዳዊትሞ ሞትቸት ኣነኒ ቆንዳልቶተ ሀንገፎተ ቱረን።